Azərbaycan Milli Aero Kosmik Agentliyi GPS/QLONASS qəbuledicilərinin telematik modullarının istehsal edəcək
11:12 23-04-2009
Azərbaycan Milli Aero Kosmik Agentliyin (MAKA) Təcrübi Zavodunda GPS/QLONASS qəbuledicilərinin telematik modullarının istehsalı həyata keçirilməsi planlaşdırılır. Bu barədə «MilAz» İA-ya hərbi mənbələrdən məlumat verilib.
Rusiyanın Federal Kosmik Agentliyi ilə əməkdaşlıq çərçivəsində istehsal olunacaq bu modulların Rusiyaya və digər ölkələrə ixracı nəzərdə tutulur.
Qeyd edək ki, bir neçə il əvvəl Rusiya tərəfi ilə əməkdaşlıq çərçivəsində bu ölkədən kosmik məlumatların qəbuledici kompleksi Bakıya gətirilərək MAKA-da istismara verilib.
MAKA 1974-cü ildən Azərbaycan Milli Elmlər Akademiyasının tərkibində “Kaspiy” Elmi Mərkəzi kimi fəaliyyət göstərib. Azərbaycan prezidentinin 2006-cı ildə imzaladığı fərmanla MAKA Müdafiə Sənayesi Nazirliyinin tabeliyinə verilib.